時間唔夠洗~

唔知點解時間好似日日都唔夠用咁，究竟係我個時間管理得唔好，定係我哩個大打雜真係好多野做呢？本來琴日心情仲好差直至返工前，我都仲係好鬱悶咁，加上一早又天黑黑灰灰暗暗咁，一時又太陽一時無端端密集式嘅大雨，連個天都弗弗地，猶如我心情一樣！不過返到公司開始好似一路都有好多野忙咁，所以連原先好鬰結嘅心情都忘記了！ 今日忙左好多樣野，又去左好多地方，但係係今日咁忙嘅時間，都有比我病發嘅空間，哈哈哈...不過我今日買嘅衫褲鞋全部都係屬於我個寶貝仔嘅，買得好開心呀！不過放工返到屋企見到個位兄台就唔多好，對住哩D軟皮蛇嘅人，簡直係好似參加左個D耐力鐵人賽咁，對住佢都唔知可以比咩反應佢好，已經當睇佢唔到嫁啦，仲可以當若無其事咁問野傾計，佢都白癡㗎！我就真係應唔到佢啦！其實我都冇諗住理佢，因為我自己都攰到爆炸，仲要頭先啱啱先搞掂所有人7月份嘅亡命更表，睇到隻眼要痴埋咁制，好彩終於完成！但係排好更表，聽日又有其他大單野，仲有8日哩個月完啦，要叫D同事開行turbo先可以搞返掂條數，如果唔係就死得人多啦！所以聽日要抓繄時間好好準備哩幾日用咩箣略先可以達標！我要加油呀，無謂嘅人及無謂嘅野，我都無暇兼顧吖！